ADUH-ADUH ITU BULAN

Kenging : Udiman

Aduh aduh itu bulan bangun nu embung padeukeut

Nembongan ge tukangeun reregan daun

Rajeun imut tapi terus  kumalieus

Padahal ieu kuring geus lawas terus midangdam,

hayang amprok pateuteup ti kadeukeutan

Aduh aduh itu bulan bangun nu resep paanggang,

padahal mah apan kuring butuh pisan 

batur ludeung enggoning nataan jempling.

Aduh aduh itu bulan naha  gancang gancang mulang,

padahal mah ieu kuring butuh keneh genclang anjeun 

enggoning mapayan  kamalir peuting.

-------------------------------------