Ilang Dikorowot Mangsa

Udiman

Geulis geus leungit  kakerid wanci nu manjing nyorang ka burit

Kasep geus seep kasered sang sarangenge nu nyirorot monteng sore

Rambut  napuk  kembang jambu

Beungeut  reuteum  kokoloteun

Kulit miyuni ka jukut riut

Mata ukur samar samar panenjona

Ceuli ukur lapat lapat  pangdengena

Jag jag ilang, beak katarajang mangsa

Lengkah nyangkorah suda tanaga

Beak!,ilang dikorowot mangsa.

Nu nyesa kari kahayang dibarung jauh lamunan